ആര്‍ഷ് സെമിനാര്‍

ARSH (Adolescent Reproductive Sexual Health) സെമിനാര്‍ ഏഴിക്കര സാമൂഹികാരോഗ്യ കേന്ദ്രത്തിന്റെ ആഭിമുഖ്യത്തില്‍ ഏഴിക്കര ഹയര്‍ സെക്കന്‍ഡറി സ്കൂളില്‍ 2012 നവംബര്‍ 21ന് നടത്തി.

ഒമ്പതാം ക്ലാസിലെ കുട്ടികള്‍ക്കും രക്ഷിതാക്കള്‍ക്കും വേണ്ടി  ഡോ. വിനീത പ്രമോദ് (പീഡിയാട്രീഷ്യന്‍, താലൂക്ക് ആശുപത്രി, മട്ടാഞ്ചേരി) കൌമാര ലൈംഗിക വിദ്യാഭ്യാസ ക്ലാസെടുത്തു.

ജെ എച്ച് ഐ പ്രമോദ് ബാബു അനുഭവം പങ്കു വയ്ക്കുന്നു

 ഏഴിക്കര സാമൂഹിക ആരോഗ്യ കേന്ദ്രത്തിലെ മെഡിക്കല്‍ ഓഫീസര്‍-ഇന്‍-ചാര്‍ജ് ഡോ ആര്‍ ശ്രീലതാ ദേവി കുട്ടികളുടെ സംശയങ്ങള്‍ക്കു മറുപടി നല്‍കി.

 പബ്ലിക് ഹെല്‍ത്ത് നഴ്സ് ടി കെ ഗ്രേസി , ജൂനിയര്‍ ഹെല്‍ത്ത് ഇന്‍സ്പെക്റ്റര്‍മാരായ സി ആര്‍ പ്രമോദ് ബാബു, പീ ആര്‍ ലിബിന്‍ ,ജൂനിയര്‍ പബ്ലിക് ഹെല്‍ത്ത് നഴ്സ് ലൈജു ടൈറ്റസ്, സ്കൂള്‍ കൌണ്‍സിലര്‍ ബില്‍ജി, സ്കൂള്‍ ഹെല്‍ത്ത് ജൂനിയര്‍ പബ്ലിക് ഹെല്‍ത്ത് നഴ്സ് കെ കെ അജിതകുമാരി തങ്ങളുടെ അനുഭവങ്ങള്‍ പങ്കുവച്ചു.

 സ്കൂളിലെ ഹെല്‍ത്ത് ക്ലബ് അധ്യാപികമാരും പങ്കെടുത്തു.

പി എച്ച് എന്‍ ഗ്രേസി അനുഭവങ്ങള്‍ പങ്കു വയ്ക്കുന്നു---------------------------

സ്കൂള്‍ ഹെല്‍ത്ത് ജെ പി എച്ച് എന്‍ അജിതകുമാരി സംസാരിക്കുന്നു

ഡ്രൈഡേ ആചരണം ഉദ്ഘാടനം

ഡെങ്കിപ്പനിക്കെതിരെ ജാഗ്രത എന്ന മുദ്രാവാക്യവുമായി അടുത്ത മൂന്നു ഞായറാഴ്ചകളില്‍ ഡ്രൈഡേ ആചരിക്കണമെന്ന സന്ദേശവുമായി ആരോഗ്യ പ്രവര്‍ത്തകരും ആശ വര്‍ക്കര്‍മാരും ഭവന സന്ദര്‍ശനം നടത്തുന്നു. ഏഴിക്കര സാമൂഹിക ആരോഗ്യ കേന്ദ്രത്തില്‍ വച്ച് പ്രസ്തുത പരിപാടിയുടെ ഔപചാരിക ഉദ്ഘാടനം നടത്തി. പറവൂര്‍ ബ്ലോക് പഞ്ചായത്ത് പ്രസിഡന്റ് ശ്രീരഞ്ജിനി വിശ്വനാഥന്‍ ഉദ്ഘാടനം നടത്തി. ഏഴിക്കര ഗ്രാമപഞ്ചായത്ത് പ്രസിഡന്റ് സി എ രാജഗോപാല്‍ പ്രസംഗിച്ചു.

വെബ്സൈറ്റ് ഉദ്ഘാടനം ചെയ്തു

ഏഴിക്കര സാമൂഹികാരോഗ്യ കേന്ദ്രത്തിനു വെബ്സൈറ്റ്

ഏഴിക്കര സാമൂഹിക ആരോഗ്യ കേന്ദ്രം സ്വന്തമായി വെബ്സൈറ്റ് ആരംഭിച്ചു. ഞായറാഴ്ച(2012 നവം 18) രാവിലെ സി.എച്.സിയില്‍ നടന്ന ചടങ്ങില്‍ പറവൂര്‍ ബ്ളോക് പഞ്ചായത്ത് പ്രസിഡന്റ് ശ്രീരഞ്ജിനി വിശ്വനാഥന്‍ വെബ്സൈറ്റ് ഉദ്ഘാടനം ചെയ്തു.ഏഴിക്കര ഗ്രാമപഞ്ചായത്ത് പ്രസിഡന്റ് സി.എം.രാജഗോപാല്‍ അധ്യക്ഷത വഹിച്ച ചടങ്ങില്‍ ബ്ളോക്-ഗ്രാമപഞ്ചായത്ത് അംഗങ്ങളായ മണി കാര്‍ത്തികേയന്‍ ,ഗിരിജ  പങ്കെടുത്തു. മെഡിക്കല്‍ ഓഫീസര്‍ ഡോ ആര്‍ ശ്രീലതാദേവിയുടെ നേതൃത്വത്തില്‍ ഹെല്‍ത്ത് സൂപ്പര്‍വൈസര്‍ പി എ സുദര്‍ശനനും ഹെല്‍ത്ത് ഇന്‍സ്പെക്റ്റര്‍ എം ആര്‍ സുദേഷും ചേര്‍ന്നാണ് വെബ്സൈറ്റ് രൂപകല്പന ചെയ്തിരിക്കുന്നത്  12-ാം പഞ്ചവത്സര പദ്ധതിയിലെ പ്രൊജക്റ്റുകള്‍ തയ്യാറാക്കുമ്പോള്‍ ശ്രദ്ധിക്കേണ്ട കാര്യങ്ങളാണ് ആദ്യ പോസ്റ്റില്‍ . കൂടാതെ വിവിധ സര്‍ക്കാര്‍ സൈറ്റുകളിലേക്ക് എളുപ്പത്തില്‍ കടക്കാനുള്ള ലിങ്കുകള്‍ പ്രത്യേക പേജില്‍ നല്‍കിയിട്ടുണ്ട് .

എല്ലാ മലയാള-ഇംഗ്ളീഷ് ദിനപത്രങ്ങളുടെയും ലിങ്ക് സൈറ്റിലുണ്ട്. ആരോഗ്യവിദ്യാഭ്യാസത്തിന് ഉപയോഗിക്കാവുന്ന പവര്‍പോയിന്റ് പ്രസന്റേഷനുകള്‍ ഡൌണ്‍ലോഡ് ചെയ്തെടുക്കാം സൈറ്റില്‍നിന്ന്.  പറവൂര്‍ ബ്ളോക് പഞ്ചായത്ത്, ഏഴിക്കര ഗ്രാമപഞ്ചായത്ത് ഇവയെക്കുറിച്ചും മെംബര്‍മാരെക്കുറിച്ചറിയാനും സൈറ്റ് നോക്കിയാല്‍ മതി. ജില്ലയിലെ എല്ലാ സര്‍ക്കാര്‍ ആരോഗ്യ സ്ഥാപനങ്ങളുടെയും ആശുപത്രികളുടെയും ഫോണ്‍നംബറും ഈമെയില്‍ വിലാസവും ഈ സൈറ്റ് നോക്കിയാല്‍ അറിയാനാകും.  ആരോഗ്യസംബന്ധമായ വാര്‍ത്തകളും ഹെല്‍ത്ത് സെന്ററിന്റെ ആഭിമുഖ്യത്തില്‍ നടക്കുന്ന പ്രവര്‍ത്തനങ്ങളും സൈറ്റിലൂടെ ജനങ്ങളിലെത്തിക്കാനുള്ള ശ്രമത്തിലാണ് ഏഴിക്കരയിലെ ആരോഗ്യ പ്രവര്‍ത്തകര്‍.