പനിയെ ഭയപ്പെടേണ്ട-ബോഡ് സ്ഥാപിച്ചു

ഏഴിക്കര ഗ്രാമപഞ്ചായത്തിന്റെ മഴക്കാലപൂര്‍വ ശുചീകരണ യജ്ഞം 2012 ഫണ്ട് ഉപയോഗിച്ചു നിര്‍മിച്ച പനിയെ ഭയപ്പെടേണ്ട എന്ന ഫ്ലക്സ് ബോഡിന്റെ കണ്ണന്‍ചിറ ജങ്ഷനിലെ സ്ഥാപനം പറവൂര്‍ എം എല്‍ എ ബഹുമാനപ്പെട്ട വി ഡി സതീശന്‍ നിര്‍വഹിച്ചു. ബ്ലോക് പഞ്ചായത്ത് അംഗം കെ എസ് ബിനോയ്, ആരോഗ്യ സ്റ്റാന്‍ഡിങ് കമ്മിറ്റി ചെയര്‍മാന്‍ കെ എസ് ജിജികുമാര്‍, വാര്‍ഡ് മെംബര്‍ ശ്രീജ അനില്‍കുമാര്‍ , ഹെല്‍ത്ത് ഇന്‍സ്പെക്റ്റര്‍ സുദേഷ് എം ആര്‍ , ജൂനിയര്‍ ഹെല്‍ത്ത് ഇന്‍സ്പെക്റ്റര്‍ പി ആര്‍ ലിബിന്‍ എന്നിവര്‍ പങ്കെടുത്തു.

8 X 6 അടി വലുപ്പത്തില്‍ മേല്‍ത്തരം ഫ്ലക്സില്‍ മെറ്റല്‍ ഫ്രെയിമില്‍ ചെയ്ത ബോഡ് സ്ഥിരമായി ഉറപ്പിച്ചിരിക്കയാണ്. ഇത്തരത്തിലുള്ള വേറെ 6 ബോഡുകള്‍ കൂടി പഞ്ചായത്തിന്റെ വിവിധ സ്ഥലങ്ങളിലായി സ്ഥാപിക്കുന്നുണ്ട്.

പകര്‍ച്ചേതര രോഗങ്ങളുടെ നിര്‍ണയം

ദേശീയ ഗ്രാമീണ ആരോഗ്യ ദൌത്യത്തിന്റെ ആഭിമുഖ്യത്തില്‍ നടപ്പാക്കുന്ന , പകര്‍ച്ചേതര രോഗങ്ങളു(Non Communicable Diseases)ടെ നിര്‍ണയക്യാമ്പ് ഏഴിക്കര ഗ്രാമപഞ്ചായത്തിലെ താഴെ പറയുന്ന സ്ഥലങ്ങളില്‍ നടക്കുന്നു.

രോഗ നിര്‍ണയ ക്യാമ്പുകള്‍
സ്ഥലം	തീയതി	സമയം
അങ്കണവാടി 93 ചാത്തനാട്	20/12/2012 വ്യാഴം	രാവിലെ10 മണിമുതല്‍ ഉച്ചയ്ക്ക് 1 മണിവരെ
കലാവേദി,നന്ത്യാട്ടുകുന്നം	10/01/2013 വ്യാഴം	രാവിലെ10 മണിമുതല്‍ ഉച്ചയ്ക്ക് 1 മണിവരെ
ജനസേവ കേന്ദ്രം, പെരുമ്പടന്ന	15/01/2013 ചൊവ്വ	രാവിലെ10 മണിമുതല്‍ ഉച്ചയ്ക്ക് 1 മണിവരെ
അങ്കണവാടി, കടക്കര കവല	17/01/2013 വ്യാഴം	രാവിലെ10 മണിമുതല്‍ ഉച്ചയ്ക്ക് 1 മണിവരെ

താഴെ പറയുന്ന ചോദ്യങ്ങളിലേതിനെങ്കിലും അതെ/ഉണ്ട് എന്ന ഉത്തരമുള്ള, 30 വയസ്സിനു മുകളില്‍ പ്രായമുള്ള ആര്‍ക്കും ക്യാമ്പില്‍ പങ്കെടുത്ത് രോഗനിര്‍ണയം നടത്താവുന്നതാണ്.
1. പ്രമേഹത്തിന്റെയോ രക്താതിമാര്‍ദത്തിന്റെയോ ലക്ഷണങ്ങള്‍ വല്ലതുമുണ്ടോ?
2. കുടുംബത്തില്‍ ആര്‍ക്കെങ്കിലും പാരമ്പര്യമായി പ്രമേഹമുണ്ടോ?
3. കുടുംബത്തില്‍ ആര്‍ക്കെങ്കിലും പാരമ്പര്യമായി രക്താതിമര്‍ദമുണ്ടോ?
4. മുന്‍പ് എപ്പോഴെങ്കിലും പ്രമേഹമുണ്ടായിട്ടുണ്ടോ?
5. മുന്‍പ് എപ്പോഴെങ്കിലും രക്താതിമര്‍ദമുണ്ടായിട്ടുണ്ടോ?
6.പ്രമേഹമോ രക്താതിമര്‍ദമോ മുന്‍പ് എപ്പോഴെങ്കിലും കണ്ടുപിടിക്കുകയോ ചികിത്സിക്കുകയോ ചെയ്തിട്ടുണ്ടോ?
7. നാലു കിലോയില്‍ കൂടുതലുള്ള കുഞ്ഞിനു ജന്മം നല്‍കിയിട്ടുണ്ടോ
8. അമിതവണ്ണം/പൊണ്ണത്തടി ഉണ്ടോ?